Португалия терма жамоасининг собиқ ярим ҳимоячиси Нани жамоа ҳужумчиси Криштиану Роналдунинг ўйин услуби ҳақида ўз фикрлари билан ўртоқлашди.

«Биз тушунишимиз керак, Бразилияда футболчилар Неймар учун югуришади. Францияда Килиан Мбаппе учун, Аргентинада эса Лионель Месси учун югуришади.

Месси майдонда доимо пиёда юради, чунки у энергияни тежайди. У портловчи футболчи ва майдоннинг сўнгги учдан бир қисмида ўзини энг яхши томонлама кўрсатади.

Роналду ҳам шундай қилади, у худди: “54 метрлик спринт учун энергиянгни сарфлама”, дегандек бўлади.

Аммо Криштиану майдонда шунчаки юра олмайди. У ҳаддан ташқари кўп пиёда юрмайди. Агар ҳимоячи тўп билан унинг ёнида бўлса, у бу ҳимоячини қўйиб юбормайди. У унинг ортидан югуради», — деди Нани.