Portugaliya terma jamoasi yarim himoyachisi Vitinya 2026 yilgi Jahon chempionati 1/16 finali doirasida Xorvatiyaga qarshi kechadigan bahs oldidan raqiblar sardori Luka Modrich haqida fikr bildirdi. «Pari Sen-Jermen» futbolchisi xorvatiyalik yarim himoyachi u uchun o‘rnak ekanligini tan oldi, biroq jamoaviy maqsadlarni shaxsiy xayrixohlikdan ustun qo‘ydi.
«Modrich — men uchun kumir. Men unga qarshi o‘ynaganman va liboslar almashganman, lekin unga o‘xshash-o‘xshamasligim haqida gapirishni yoqtirmayman. Umid qilamanki, ertangi kun u uchun qayg‘uliroq bo‘ladi», — deya Vitinyaning so‘zlarini ESPN keltirmoqda.
26 yoshli portugaliyalik futbolchi turnirda o‘z jamoasining barcha o‘yinlarida ishtirok etdi. Portugaliya «K» guruhida ikkinchi o‘rinni egalladi va «L» guruhidan pley-offga xuddi shunday ikkinchi o‘rin bilan yo‘l olgan Xorvatiya bilan to‘qnash keladi. Ushbu juftlik g‘olibi 1/8 finalga yo‘l oladi.
