Португалия терма жамоаси ярим ҳимоячиси Витинья 2026 йилги Жаҳон чемпионати 1/16 финали доирасида Хорватияга қарши кечадиган баҳс олдидан рақиблар сардори Лука Модрич ҳақида фикр билдирди. «Пари Сен-Жермен» футболчиси хорватиялик ярим ҳимоячи у учун ўрнак эканлигини тан олди, бироқ жамоавий мақсадларни шахсий хайрихоҳликдан устун қўйди.
«Модрич — мен учун кумир. Мен унга қарши ўйнаганман ва либослар алмашганман, лекин унга ўхшаш-ўхшамаслигим ҳақида гапиришни ёқтирмайман. Умид қиламанки, эртанги кун у учун қайғулироқ бўлади», — дея Витиньянинг сўзларини ESPN келтирмоқда.
26 ёшли португалиялик футболчи турнирда ўз жамоасининг барча ўйинларида иштирок этди. Португалия «K» гуруҳида иккинчи ўринни эгаллади ва «L» гуруҳидан плей-оффга худди шундай иккинчи ўрин билан йўл олган Хорватия билан тўқнаш келади. Ушбу жуфтлик ғолиби 1/8 финалга йўл олади.
