«Everton» Senegal terma jamoasi va «Vilyarreal» yarim himoyachisi Pap Geyeni sotib olish imkoniyatlarini o‘rganmoqda. Klub unda jamoani tark etishga yaqin bo‘lgan Idrissa Gana Geyega potensial o‘rinbosarni ko‘rmoqda, deb xabar beradi TEAMtalk.
27 yoshli xavbek JCH-2026da Senegal terma jamoasi safidagi muvaffaqiyatli ishtiroki tufayli boshqa jamoalar e’tiborini tortdi. «Everton»dan tashqari, futbolchi atrofidagi vaziyatni Angliyaning boshqa klublari — «Kristal Pelas», «Brayton» va «Sanderlend» ham faol kuzatib bormoqda.
Yakunlangan 2025/26 yilgi mavsumda Pap Geye 39 ta o‘yinda ishtirok etib, 5 ta gol urdi va 2 ta golli uzatmani amalga oshirdi.
