«Эвертон» Сенегал терма жамоаси ва «Вильярреал» ярим ҳимоячиси Пап Гейени сотиб олиш имкониятларини ўрганмоқда. Клуб унда жамоани тарк этишга яқин бўлган Идрисса Гана Гейега потенциал ўринбосарни кўрмоқда, деб хабар беради TEAMtalk.

27 ёшли хавбек ЖЧ-2026да Сенегал терма жамоаси сафидаги муваффақиятли иштироки туфайли бошқа жамоалар эътиборини тортди. «Эвертон»дан ташқари, футболчи атрофидаги вазиятни Англиянинг бошқа клублари — «Кристал Пэлас», «Брайтон» ва «Сандерленд» ҳам фаол кузатиб бормоқда.

Якунланган 2025/26 йилги мавсумда Пап Гейе 39 та ўйинда иштирок этиб, 5 та гол урди ва 2 та голли узатмани амалга оширди.