Yuri Tilemansning Senegal bilan o‘yinda penaltidan urgan goli Belgiya terma jamoasiga g‘alaba keltirdi. Ushbu gol VAR videotakrorlarini uzoq vaqt davomida ko‘rib chiqish va penaltini ijro etish jarayonidan so‘ng kiritildi.

U uchrashuvning 125-daqiqasida raqib darvozasini ishg‘ol qildi — bu esa Jahon chempionatlari tarixidagi eng kech kiritilgan gol sifatida yangi rekordga aylandi va avvalgi natijadan katta farq bilan o‘zib ketdi. Bundan yigirma yil oldin, ya’ni 2006 yilda Alessandro Del Pyero JCH-2006 yarim finalida Germaniya terma jamoasi darvozasiga 121-daqiqada gol urgan edi va bu musobaqa tarixidagi eng kech kiritilgan gol hisoblanardi. Endilikda ushbu rekord naqd to‘rt daqiqaga yangilandi.

Jahon chempionati pley-off bosqichining keyingi raundida belgiyaliklar AQSH terma jamoasiga qarshi maydonga tushishadi.