Portugaliya terma jamoasi vingeri Rafael Leau Jahon chempionati pley-offidagi g‘alabadan keyin uchrashuv haqida o‘z fikrlari bilan o‘rtoqlashdi.

«Men uchun mavsum juda og‘ir o‘tdi, chunki ko‘p jarohatlar oldim. Bunday yuqori sur’atdagi o‘yinlarda charchoq ham yig‘iladi. Ammo jamoada shunday jangovor ruh bo‘lsa, charchoq yo‘qolib ketadi va men oxirgi daqiqagacha maydonda harakat qildim.

O‘ng oyog‘imda charchoq bo‘lishiga qaramay, golli uzatmani amalga oshirishga muvaffaq bo‘ldim. Barchamiz bir butun jamoa bo‘lib harakat qildik va aynan shu bizga g‘alabani keltirdi.

Biz boshidanoq o‘z kuchimizga ishongan edik. Yana bir hal qiluvchi omil bor edi — Diogu Jota. U doimo biz bilan va bizga yordam berdi», — dedi Leau A Bola nashriga.