Португалия терма жамоаси вингери Рафаэл Леау Жаҳон чемпионати плей-оффидаги ғалабадан кейин учрашув ҳақида ўз фикрлари билан ўртоқлашди.
«Мен учун мавсум жуда оғир ўтди, чунки кўп жароҳатлар олдим. Бундай юқори суръатдаги ўйинларда чарчоқ ҳам йиғилади. Аммо жамоада шундай жанговор руҳ бўлса, чарчоқ йўқолиб кетади ва мен охирги дақиқагача майдонда ҳаракат қилдим.
Ўнг оёғимда чарчоқ бўлишига қарамай, голли узатмани амалга оширишга муваффақ бўлдим. Барчамиз бир бутун жамоа бўлиб ҳаракат қилдик ва айнан шу бизга ғалабани келтирди.
Биз бошиданоқ ўз кучимизга ишонган эдик. Яна бир ҳал қилувчи омил бор эди — Диогу Жота. У доимо биз билан ва бизга ёрдам берди», — деди Леау A Bola нашрига.













