Kabo-Verde terma jamoasi posboni Vozinya Jahon chempionati — 2026 pley-off bosqichining ilk raundida Argentina terma jamoasiga qarshi boy berilgan uchrashuvdan so‘ng o‘z fikrlarini o‘rtoqlashdi. Afrikaliklar qo‘shimcha bo‘limlarda amaldagi jahon chempionlariga 2:3 hisobida imkoniyatni boy berishdi.
«Bu Vozinyaning Messiga qarshi o‘yini emas edi. Bu yerda Kabo-Verde va Argentina terma jamoalari to‘qnash keldi. Albatta, bunday natija bizni xafa qiladi, biroq shunga qaramay, o‘zimiz bilan faxrlanishimiz kerak. Bizda ajoyib jamoa bor. Lekin bu futbol, unda hamma narsa bo‘lishi mumkin», — deya darvozabonning so‘zlarini keltiradi Globo nashri.
Ushbu g‘alabadan so‘ng Argentina terma jamoasi Shimoliy Amerikada bo‘lib o‘tayotgan Jahon chempionatining nimchorak finaliga (1/8 final) yo‘l oldi. Musobaqaning chorak finaliga chiqish uchun Lionel Skaloni shogirdlari Misr terma jamoasiga qarshi bahs olib borishadi.
