Кабо-Верде терма жамоаси посбони Возинья Жаҳон чемпионати — 2026 плей-офф босқичининг илк раундида Аргентина терма жамоасига қарши бой берилган учрашувдан сўнг ўз фикрларини ўртоқлашди. Африкаликлар қўшимча бўлимларда амалдаги жаҳон чемпионларига 2:3 ҳисобида имкониятни бой беришди.
«Бу Возиньянинг Мессига қарши ўйини эмас эди. Бу ерда Кабо-Верде ва Аргентина терма жамоалари тўқнаш келди. Албатта, бундай натижа бизни хафа қилади, бироқ шунга қарамай, ўзимиз билан фахрланишимиз керак. Бизда ажойиб жамоа бор. Лекин бу футбол, унда ҳамма нарса бўлиши мумкин», — дея дарвозабоннинг сўзларини келтиради Globo нашри.
Ушбу ғалабадан сўнг Аргентина терма жамоаси Шимолий Америкада бўлиб ўтаётган Жаҳон чемпионатининг нимчорак финалига (1/8 финал) йўл олди. Мусобақанинг чорак финалига чиқиш учун Лионель Скалони шогирдлари Миср терма жамоасига қарши баҳс олиб боришади.
