Fransiyalik yarim himoyachi Orelyen Tchuameni Madridning «Real» klubini tark etmaydi. Bu haqda TEAMtalk xabar bermoqda.
Manbaning ma’lumotlariga ko‘ra, «Real»ning yangi bosh murabbiyi Joze Mourinyo Tchuameniga jamoaning asosiy tarkibidan mustahkam o‘rin egallash uchun imkoniyat berishga qaror qilgan. Shu sababli, 26 yoshli xavbek «Manchester Yunayted» va «Liverpul» tomonidan bo‘layotgan qiziqishlarga qaramay, klubda qoladigan bo‘ldi.
Qayd etilishicha, «qaymoqranglilar»ning Tchuameni borasidagi ushbu qarori yoz davomida vaziyatni diqqat bilan kuzatib, uning transferga chiqarilishidan umid qilgan ingliz grandlari uchun jiddiy zarba bo‘ldi.
Tchuameni 2025/26 yilgi mavsumda barcha turnirlar doirasida 49 ta uchrashuvda maydonga tushib, o‘z hisobiga 2 ta gol va 2 ta golli uzatma yozdirib qo‘ygan edi.
