Meksika terma jamoasi bosh murabbiyi Xavyer Agirre Jahon chempionatining 1/8 finali doirasida Angliyaga qarshi bo‘lib o‘tadigan uchrashuv haqida fikr yuritdi. Ma’lumot uchun, ushbu bahs dengiz sathidan 2240 metr balandlikda bo‘lib o‘tadi.
«Ularning safida ham mamlakat ichida, ham xorijda to‘p suradigan ajoyib o‘yinchilar bor. Ular jismonan ancha kuchli va yuqori darajali futbolchilardir.
Baland tog‘li sharoitmi? Men bu narsaga umuman chalg‘iyotganim yo‘q. Bu maydondagi 11 ga 11 o‘yin. Bunday narsalar haqida rostdan ham o‘ylayotganim yo‘q.
Agar Angliyani haqiqatdan ham mag‘lub eta olishimizga ishonmaganimda, buni sizlarga ochiqchasiga aytgan bo‘lardim.
Biroq men qanday o‘ynayotganimizni juda yaxshi bilaman. Angliya bilan tengma-teng kurasha olishimizga ishonaman. Qaysi jamoa kamroq xatoga yo‘l qo‘ysa, o‘sha g‘alaba qozonadi», — deya Agirrening so‘zlarini keltiradi tribalfootball.com nashri.
