Мексика терма жамоаси бош мураббийи Хавьер Агирре Жаҳон чемпионатининг 1/8 финали доирасида Англияга қарши бўлиб ўтадиган учрашув ҳақида фикр юритди. Маълумот учун, ушбу баҳс денгиз сатҳидан 2240 метр баландликда бўлиб ўтади.
«Уларнинг сафида ҳам мамлакат ичида, ҳам хорижда тўп сурадиган ажойиб ўйинчилар бор. Улар жисмонан анча кучли ва юқори даражали футболчилардир.
Баланд тоғли шароитми? Мен бу нарсага умуман чалғиётганим йўқ. Бу майдондаги 11 га 11 ўйин. Бундай нарсалар ҳақида ростдан ҳам ўйлаётганим йўқ.
Агар Англияни ҳақиқатдан ҳам мағлуб эта олишимизга ишонмаганимда, буни сизларга очиқчасига айтган бўлардим.
Бироқ мен қандай ўйнаётганимизни жуда яхши биламан. Англия билан тенгма-тенг кураша олишимизга ишонаман. Қайси жамоа камроқ хатога йўл қўйса, ўша ғалаба қозонади», — дея Агирренинг сўзларини келтиради tribalfootball.com нашри.
