«Chelsi» yarim himoyachisi Andrey Santos «Manchester Yunayted»ning transfer qiziqishlari doirasiga tushib qoldi.

So‘nggi paytlarda matbuotda «ko‘klar»ning ushbu transfer oynasida braziliyalik futbolchi bilan xayrlashishga tayyorligi haqida gap-so‘zlar yuribdi. Guardian sport nashrining xabar berishicha, 22 yoshli futbolchini sotib olishga «qizil iblislar» qiziqish bildirmoqda. Ehtimoliy bitim qiymati 50 million funt sterlingga (deyarli 58,5 million yevro) baholanmoqda.

Andrey Santosni tarkibga qo‘shib olish imkoniyatini «Nyukasl» ham ko‘rib chiqmoqda. O‘tgan mavsumda o‘yinchi «Chelsi» tarkibida barcha turnirlarda 43 ta uchrashuvda maydonga tushib, uchta gol va to‘rtta golli uzatmani o‘z hisobiga yozdirib qo‘ygan.