«Челси» ярим ҳимоячиси Андрей Сантос «Манчестер Юнайтед»нинг трансфер қизиқишлари доирасига тушиб қолди.
Сўнгги пайтларда матбуотда «кўклар»нинг ушбу трансфер ойнасида бразилиялик футболчи билан хайрлашишга тайёрлиги ҳақида гап-сўзлар юрибди. Guardian sport нашрининг хабар беришича, 22 ёшли футболчини сотиб олишга «қизил иблислар» қизиқиш билдирмоқда. Эҳтимолий битим қиймати 50 миллион фунт стерлингга (деярли 58,5 миллион евро) баҳоланмоқда.
Андрей Сантосни таркибга қўшиб олиш имкониятини «Ньюкасл» ҳам кўриб чиқмоқда. Ўтган мавсумда ўйинчи «Челси» таркибида барча турнирларда 43 та учрашувда майдонга тушиб, учта гол ва тўртта голли узатмани ўз ҳисобига ёздириб қўйган.
