«Bavariya» klubi «Yuventus» markaziy himoyachisi Gleyson Bremer transferi ustida ish boshladi.
La Gazzetta dello Sport nashrining xabar berishicha, Germaniya klubi 29 yoshli braziliyalik futbolchi bo‘yicha dastlabki taklifini berib ulgurgan. Turinliklar ushbu futbolchining sotuvidan kamida 40 million yevro ishlab olishni rejalashtirishmoqda, «Bavariya» esa hozircha 30 million yevro to‘lashga tayyor. Tomonlar muzokaralarni davom ettirishmoqda. Qayd etilishicha, Bremerning o‘zi ham jamoasini o‘zgartirishga qarshi emas.
Bremer 2022 yildan buyon Turin klubi sharafini himoya qilib kelmoqda. Uning amaldagi mehnat shartnomasi 2029 yilga qadar mo‘ljallangan bo‘lib, himoyachining bozor qiymati 35 million yevroga baholanmoqda.
