«Бавария» клуби «Ювентус» марказий ҳимоячиси Глейсон Бремер трансфери устида иш бошлади.
La Gazzetta dello Sport нашрининг хабар беришича, Германия клуби 29 ёшли бразилиялик футболчи бўйича дастлабки таклифини бериб улгурган. Туринликлар ушбу футболчининг сотувидан камида 40 миллион евро ишлаб олишни режалаштиришмоқда, «Бавария» эса ҳозирча 30 миллион евро тўлашга тайёр. Томонлар музокараларни давом эттиришмоқда. Қайд этилишича, Бремернинг ўзи ҳам жамоасини ўзгартиришга қарши эмас.
Бремер 2022 йилдан буён Турин клуби шарафини ҳимоя қилиб келмоқда. Унинг амалдаги меҳнат шартномаси 2029 йилга қадар мўлжалланган бўлиб, ҳимоячининг бозор қиймати 35 миллион еврога баҳоланмоқда.
