«Manchester Siti» klubi «Lester» bilan Jeremi Monganing transferi bo‘yicha kelishuvga erishdi.

The Athletic nashrining bergan ma’lumotlariga ko‘ra, bitimning umumiy qiymati 12,5 million funt sterlingni tashkil etadi: shundan 10 millioni kafolatlangan qat’iy qism bo‘lsa, yana 2,5 millioni muayyan shartlar bajarilganda bonuslar sifatida to‘lanadi. Shuningdek, shartnomaga vingerning keyingi sotuvidan olinadigan foiz ulushi ham kiritilgan.

16 yoshli futbolchi transferining tashabbuskori «Siti»ning yangi bosh murabbiyi Enso Mareska bo‘ldi. U futbolchi bilan 2023/24 yilgi mavsumda «Lester»dagi faoliyati orqali yaxshi tanish.

Qayd etilishicha, «Arsenal» klubi Monga uchun so‘ralgan narxni juda yuqori deb hisoblab, u uchun kurashishdan voz kechgan.

Ortda qolgan mavsumda Jeremi Chempionshipda 27 ta o‘yinda maydonga tushdi (maydonda o‘rtacha 34 daqiqa harakat qildi), 1 ta gol urdi va 2 ta golli uzatmani amalga oshirdi.