«Манчестер Сити» клуби «Лестер» билан Жереми Монганинг трансфери бўйича келишувга эришди.

The Athletic нашрининг берган маълумотларига кўра, битимнинг умумий қиймати 12,5 миллион фунт стерлингни ташкил этади: шундан 10 миллиони кафолатланган қатъий қисм бўлса, яна 2,5 миллиони муайян шартлар бажарилганда бонуслар сифатида тўланади. Шунингдек, шартномага вингернинг кейинги сотувидан олинадиган фоиз улуши ҳам киритилган.

16 ёшли футболчи трансферининг ташаббускори «Сити»нинг янги бош мураббийи Энцо Мареска бўлди. У футболчи билан 2023/24 йилги мавсумда «Лестер»даги фаолияти орқали яхши таниш.

Қайд этилишича, «Арсенал» клуби Монга учун сўралган нархни жуда юқори деб ҳисоблаб, у учун курашишдан воз кечган.

Ортда қолган мавсумда Жереми Чемпионшипда 27 та ўйинда майдонга тушди (майдонда ўртача 34 дақиқа ҳаракат қилди), 1 та гол урди ва 2 та голли узатмани амалга оширди.