«Chelsi» klubi yarim himoyachi Enso Fernandesning kelajagi borasida xavotir olmayapti.
Jurnalist Bobbi Vinsentning bergan ma’lumotlariga ko‘ra, London klubiga yaqin bo‘lgan manbalar, «Real»ning argentinalik futbolchini sotib olmasligi haqidagi bayonotidan so‘ng ancha xotirjam tortishgan. «Chelsi»ning rejalarida hech narsa o‘zgargani yo‘q — agar biror klub futbolchi uchun so‘ralgan 120 million yevroni to‘lashga tayyor bo‘lmasa, «ko‘klar» Fernandesni tarkibga qaytarib qabul qilishadi.
Enso Fernandesning «Chelsi» bilan shartnomasi 2032 yilning 30 iyuniga qadar amal qiladi. O‘tgan mavsumda yarim himoyachi London klubi safida 54 ta o‘yinda maydonga tushib, 15 ta gol urdi va 7 ta golli uzatmani amalga oshirdi.
