Braziliya terma jamoasi Jahon chempionati–2026dagi ishtirokini 1/8 finaldayoq yakunladi. Karlo Anchelotti shogirdlari Norvegiya milliy terma jamoasiga 1:2 hisobida imkoniyatni boy berishdi. «Selesao»ning sobiq hujumchisi Romario milliy jamoaning ushbu natijasiga munosabat bildirdi.
«Bunday natijada hamma aybdor. Murabbiy ham. Biz o‘zimiz bilgan, tanigan Braziliya terma jamoasini ko‘rmadik», — deya afsonaviy hujumchining so‘zlarini keltiradi El Chiringuito nashri.
Braziliya 1990 yildan buyon ilk bor Jahon chempionatining chorak finaliga chiqa olmadi. Norvegiya terma jamoasi esa pley-offning navbatdagi bosqichida Angliya bilan to‘qnash keladi. Uchrashuv 12 iyul kuni bo‘lib o‘tadi.
