Afsonaviy ingliz yarim himoyachisi Stiven Jerrard «Liverpul» klubi tarixidagi eng yaxshi futbolchi deb topildi. Bu haqda mersisaydliklar matbuot xizmati xabar bermoqda.
Jerrard statistika tahlili hamda «Liverpul» afsonalarining ovozlari berilganidan so‘ng eng yaxshi deb e’tirof etildi. Bundan tashqari, 1,3 milliondan ortiq muxlis ham unga ovoz bergan. Reyting futbolchilarning mahorati, jamoa o‘yiniga ko‘rsatgan ta’siri, shuningdek, «qizillar» safidagi faoliyati davomida erishgan muvaffaqiyatlari asosida shakllantirildi.
Stiven mersisaydliklar jamoasi tarkibida 1998 yildan 2015 yilgacha to‘p surgan. 2015/2016 yilgi mavsumda u «Los-Anjeles Gelaksi» klubida o‘ynadi va shundan so‘ng faoliyatini yakunladi.
