«Atalanta» yarim himoyachisi Ederson Lourensoning «Manchester Yunayted»ga kutilayotgan transferi bo‘yicha yangi tafsilotlar paydo bo‘ldi.
Jurnalist Natan Soltning bergan ma’lumotiga ko‘ra, uchala tomon o‘rtasidagi kelishuv to‘liq hal etilgan va yakuniga yetishi kutilmoqda. Bu OAVda transferning barbod bo‘lgani haqida tarqalgan xabarlarga ziddir.
Manbaning ta’kidlashicha, Ederson Braziliya terma jamoasi Jahon chempionati — 2026dagi ishtirokini yakunlashi bilan (jamoa 1/8 finalda mag‘lub bo‘ldi) darhol tibbiy ko‘rikdan o‘tadi.
Bundan oldinroq Ederson «qizil iblislar» bilan 2031 yilgacha mo‘ljallangan shartnoma imzolashi va uning yillik maoshi 5 million yevroni tashkil qilishi haqida xabar berilgan edi.
