Hujumkor yarim himoyachi Antonio Vergaraning «Napoli» bilan shartnomasini uzaytirish ehtimoli juda yuqori. Bu haqda insayder Nikolo Skira xabar bermoqda.
Manbaning xabariga ko‘ra, tomonlar o‘rtasidagi muzokaralar yakuniy bosqichda turibdi. Yaqin kunlarda 23 yoshli xavbek maoshi sezilarli darajada oshirilgan holda, 2034 yilgacha mo‘ljallangan uzoq muddatli shartnomaga imzo chekishi kutilmoqda.
Ta’kidlanishicha, bundan oldin «Napoli» Vergara bo‘yicha tushgan bir nechta takliflarni rad etgan. Klublar italiyalik futbolchini taxminan 30 million yevro evaziga sotib olishga harakat qilishgan edi.
2025/26 yilgi mavsumda Vergara barcha turnirlarda 19 ta uchrashuvda ishtirok etib, 3 ta gol urdi va 4 ta golli uzatmani o‘z hisobiga yozdirib qo‘ydi.
