Stefan de Vrey «Inter»ni tark etib, Gresiyaning «Panatinaikos» klubiga o‘tish sabablarini tushuntirib berdi. 34 yoshli niderlandiyalik himoyachi grek klubi bilan erkin agent maqomida shartnoma imzoladi.
Milan jamoasida o‘tkazgan yillari davomida de Vrey himoyaning asosiy ustunlaridan biriga aylangan, Skudetto va boshqa bir qator sovrinlarni qo‘lga kiritgan edi, biroq so‘nggi vaqtlarda uning jamoadagi roli sezilarli darajada kamayib qoldi.
«Afsuski, o‘tgan yili «Inter»da kam o‘yin amaliyotiga ega bo‘ldim. Shartnomam muddati tugab borayotgandi va men qaysidir jamoada yana muhim futbolchiga aylanishni xohladim», — deya futbolchining so‘zlarini keltiradi ESPN.
«Keyin esa men uzoq vaqtdan beri sovrin yuta olmayotgan mana shu ajoyib klubni kashf qildim. Ular to‘g‘ri yo‘ldan borishmoqda: yangi rahbariyat, yangi, yosh va zamonaviy murabbiy. Bu meni o‘ziga jalb qildi», — deya qo‘shimcha qildi de Vrey.
Yakunlangan mavsumda «Panatinaikos» Gresiya chempionatida to‘rtinchi o‘rinni egalladi. Jamoa mana 16 yildirki, mamlakat chempionligini qo‘lga kirita olmayapti.
