Стефан де Врей «Интер»ни тарк этиб, Грециянинг «Панатинаикос» клубига ўтиш сабабларини тушунтириб берди. 34 ёшли нидерландиялик ҳимоячи грек клуби билан эркин агент мақомида шартнома имзолади.

Милан жамоасида ўтказган йиллари давомида де Врей ҳимоянинг асосий устунларидан бирига айланган, Скудетто ва бошқа бир қатор совринларни қўлга киритган эди, бироқ сўнгги вақтларда унинг жамоадаги роли сезиларли даражада камайиб қолди.

«Афсуски, ўтган йили «Интер»да кам ўйин амалиётига эга бўлдим. Шартномам муддати тугаб бораётганди ва мен қайсидир жамоада яна муҳим футболчига айланишни хоҳладим», — дея футболчининг сўзларини келтиради ESPN.

«Кейин эса мен узоқ вақтдан бери соврин юта олмаётган мана шу ажойиб клубни кашф қилдим. Улар тўғри йўлдан боришмоқда: янги раҳбарият, янги, ёш ва замонавий мураббий. Бу мени ўзига жалб қилди», — дея қўшимча қилди де Врей.

Якунланган мавсумда «Панатинаикос» Греция чемпионатида тўртинчи ўринни эгаллади. Жамоа мана 16 йилдирki, мамлакат чемпионлигини қўлга кирита олмаяпти.