Ispaniya terma jamoasi Jahon chempionati 1/8 finali doirasida Portugaliyaga qarshi kechadigan bahs oldidan kecha so‘nggi mashg‘ulotini o‘tkazdi. Kunning asosiy yangiligi vinger Niko Uilyamsning umumiy guruh mashg‘ulotlariga qaytgani bo‘ldi.
«Atletik» klubi futbolchisi jamoadoshlari bilan teng sharoitda ishladi. Buning evaziga bosh murabbiy Luis de la Fuente turnir boshlanganidan beri ilk bor qaydnomadagi barcha futbolchilar xizmatidan foydalanish imkoniyatiga ega bo‘ldi.
Mundo Deportivo nashrining xabar berishicha, Uilyams hozircha uchrashuvni boshlang‘ich tarkibda boshlashga to‘liq tayyor emas, biroq u o‘yinni zaxira o‘rindig‘ida boshlashi kutilmoqda.
Shuningdek, bundan oldin sog‘lig‘ida muammolarga duch kelgan Viktor Munyos va Yeremi Pino ham to‘liq sog‘ayib, safga qaytishgan.
Eslatib o‘tamiz, Ispaniya va Portugaliya terma jamoalari o‘rtasidagi uchrashuv 6 iyul kuni Toshkent vaqti bilan soat 00:00 da start oladi.
