Portugaliya terma jamoasi bosh murabbiyi Roberto Martines futbol bo‘yicha 2026 yilgi Jahon chempionatining 1/8 finali doirasida bugun, 6 iyul kuni bo‘lib o‘tadigan Ispaniyaga qarshi bo‘lajak bahs haqida o‘z fikrlari bilan o‘rtoqlashdi.
«Bu bosqichda to‘qnash kelayotganimiz achinarli. Biz deyarli birodar ikki xalqmiz va bu to‘qnashuv dahshatli finalga aylanishi mumkin edi. Luis de la Fuenteni juda hurmat qilaman, jamoalarimizning falsafasi o‘xshash. Luis ham, men ham musobaqada maksimal darajada barcha sakkizta o‘yinni o‘tkazishni xohlaymiz, ammo ertaga ikkimizdan birimiz bu maqsadga erisha olmaymiz.
Ispaniyani juda qattiq hurmat qilamiz: ularda o‘yin borasida aniq qarash va ajoyib futbolchilar bor. Biz uchun to‘pga egalik qilish va jamoaviy o‘yinni futbolchilarning individual mahorati atrofida qurish muhim. Biz Ispaniyaga qarshi o‘zimizning eng yaxshi o‘yinimizni ko‘rsatish va keyingi bosqichga yo‘l olish uchun shu yerdamiz. Navbatda bizni ajoyib raqibga qarshi bahs kutmoqda», — deya Martinesning so‘zlarini keltiradi «Mundo Deportivo» nashri.
Eslatib o‘tamiz, Ispaniya — Portugaliya uchrashuvi bugun Toshkent vaqti bilan soat 00:00da boshlanadi.
