Norvegiya terma jamoasi yulduzi Erling Xoland o‘z jamoasining ayni damdagi darajasi haqida fikr bildirdi.
Jahon chempionati — 2026da skandinaviyaliklar 1/8 final bahsida Braziliya terma jamoasini 2:1 hisobida mag‘lub etib, chorak final bosqichiga yo‘llanma olishdi. Ushbu uchrashuvda «Manchester Siti» hujumchisi dubl qayd etib, g‘alabaga katta hissa qo‘shdi.
«Ushbu uchrashuvda ko‘rsatgan o‘yinimiz Norvegiyaning ajoyib jamoa ekanligini isbotlaydi. Biz haqiqatdan ham Yevropa va dunyoning eng kuchli terma jamoalaridan birimiz, chunki juda hayratlanarli natijalarga erishmoqdamiz», — deya futbolchining so‘zlarini keltiradi Mundo Deportivo nashri.
Eslatib o‘tamiz, 25 yoshli hujumchi Shimoliy Amerika yashil maydonlarida o‘tayotgan mundialning eng yaxshi to‘purarlaridan biri bo‘lib turibdi. Uning hisobida hozirgacha urilgan 7 ta gol mavjud.
