«PSJ» bosh murabbiyi Luis Enrike futbol bo‘yicha 2026 yilgi Jahon chempionati 1/8 finalidan o‘rin olgan Ispaniya va Portugaliya terma jamoalari o‘rtasidagi uchrashuvdan kutilmalari bilan o‘rtoqlashdi. Ushbu bahs bugun, 6 iyul kuni bo‘lib o‘tadi.
«Ispaniya to‘g‘ri yo‘ldan ketayotganini ko‘rib turibman, ushbu o‘yinni ota-onam bilan birgalikda tomosha qilaman. Raqobat tobora kuchayib bormoqda, ammo Ispaniyaning o‘yini yuksalayotgani sezilyapti. Umid qilamanki, Ispaniya o‘z tarixidagi ikkinchi Jahon chempionligini qo‘lga kiritadi. Men prognozlar bilan shug‘ullanmayman. Agar Ispaniya Portugaliyani mag‘lub etsa, bu "PSJ" uchun ham foydali bo‘ladi, chunki mening uch nafar futbolchim vaqtliroq ta’tilga yo‘l oladi», — deya Luis Enrikening so‘zlarini keltiradi Diario Sport nashri.
