«Manchester Siti»ning ispaniyalik yarim himoyachisi Rodri Ernandes klubdan ketishga qarshi emas. Bu haqda jurnalist Migel Serrano xabar bermoqda.

Manbaning ma’lumotlariga ko‘ra, «Oltin to‘p» sohibi avvalroq unga qiziqish bildirgan Madridning «Real» klubiga o‘tishga tayyor edi. Biroq ayni paytda «qaymoqranglilar» ispaniyalik yulduzni sotib olishni rejalashtirishmayapti.

Shu bilan birga, vaziyat istalgan daqiqada o‘zgarishi mumkinligi, shu sababli Rodrining klubdan ketishi to‘liq istisno qilinmasligi ta’kidlanmoqda.

Yakunlangan mavsumda 30 yoshli Rodri barcha turnirlarda 33 ta uchrashuvda maydonga tushib, 2 ta gol urdi. Yarim himoyachining «shaharliklar» bilan shartnomasi keyingi yozda yakuniga yetadi.