Samarqandning «Dinamo» jamoasi mavsumga tayyorgarlik doirasida tarkibni kuchaytirishda davom etmoqda. Klub matbuot xizmati ma’lum qilishicha, gvineyalik yarim himoyachi Amadu Dumbuya jamoa bilan shartnoma imzoladi.
23 yoshli vinger samarqandliklar safiga erkin agent sifatida kelib qo‘shildi. Tomonlar o‘rtasidagi kelishuv 2026 yilgi mavsum yakuniga qadar mo‘ljallangan. Futbolchi jamoaning Issiqko‘ldagi yig‘ini yakunlanib, Samarqandga qaytganidan so‘ng mashg‘ulotlarga kirishadi.
Ma’lumot uchun, Amadu Dumbuya faoliyatini Shvesiyaning «Yurgorden» klubida boshlagan. Keyinchalik u Bolgariyaning «Botev Plovdiv» jamoasida to‘p surgan. O‘tgan ikki yil davomida esa futbolchi Qozog‘istonning «Aktobe» klubi sharafini himoya qilgan.
