Самарқанднинг «Динамо» жамоаси мавсумга тайёргарлик доирасида таркибни кучайтиришда давом этмоқда. Клуб матбуот хизмати маълум қилишича, гвинеялик ярим ҳимоячи Амаду Думбуя жамоа билан шартнома имзолади.
23 ёшли вингер самарқандликлар сафига эркин агент сифатида келиб қўшилди. Томонлар ўртасидаги келишув 2026 йилги мавсум якунига қадар мўлжалланган. Футболчи жамоанинг Иссиқкўлдаги йиғини якунланиб, Самарқандга қайтганидан сўнг машғулотларга киришади.
Маълумот учун, Амаду Думбуя фаолиятини Швециянинг «Юргорден» клубида бошлаган. Кейинчалик у Болгариянинг «Ботев Пловдив» жамоасида тўп сурган. Ўтган икки йил давомида эса футболчи Қозоғистоннинг «Актобе» клуби шарафини ҳимоя қилган.
