Himoyachi Jon Lukumi transfer bozorida grand klublarning e’tiborini tortishda davom etmoqda. Football Italia xabariga ko‘ra, "Yuventus", "Beshiktosh" va "Bornmut" klublarining qiziqishidan so‘ng, "Inter" ham uni sotib olish imkoniyatlari haqida ma’lumot so‘radi.

Franchesko Acherbi va Stefan de Vrey ketganidan keyin, "Inter" himoyani mustahkamlash uchun tajribali markaziy himoyachi izlamoqda.

28 yoshli kolumbiyalik futbolchining "Bolonya" bilan shartnomasi 2026/27 yilgi mavsum oxirigacha amal qiladi, biroq klub futbolchini 28 million yevro miqdoridagi tovon pulidan arzonroqqa qo‘yib yuborish niyatida emas. Jurnalist Alfredo Pedullaning ma’lumotlariga ko‘ra, milanliklar allaqachon futbolchining vakillari bilan bog‘lanishgan va bitim shartlarini o‘rganishmoqda.

Lukumi "Bolonya" safida 2022 yilning yozidan buyon to‘p suradi, o‘shanda u "Genk" klubidan 8 million yevro evaziga sotib olingan edi. A Seriyadagi uch mavsum davomida u 123 ta o‘yin o‘tkazdi.

Ta’kidlanishicha, hatto 28 million yevrolik summa ham "Chelsi" "Inter"dan himoyani kuchaytirish uchun boshqa bir nomzod — Trevo Chaloba uchun talab qilayotgan 35 million yevrodan kamroqni tashkil etadi.