Marokash terma jamoasi hujumchisi Ismoil Saybari 2026 yilgi Jahon chempionati chorak finali doirasida Fransiyaga qarshi o‘yinda maydonga tushmaydi. Bu haqda milliy terma jamoa bosh murabbiyi Muhammad Uahbi ma’lum qildi.
25 yoshli hujumchi Kanada terma jamoasiga qarshi kechgan 1/8 final uchrashuvining 22-daqiqasida noqulaylik sababli zaxiraga olingan edi. U so‘nggi kunlarda son mushagidagi jarohat darajasini aniqlash uchun tibbiy ko‘rikdan o‘tdi va tahlillar topshirdi.
«Saybaridan tashqari barcha o‘yinchilar safda, uning uchun bu o‘yin biroz ertalik qiladi. U turnir yakunigacha safga qaytishiga umid qilaman. Barcha futbolchilar tayyor, albatta, biz faqat 100 foiz tayyor bo‘lganlarni tanlab olamiz», — dedi Uahbi matbuot anjumanida.
Saybari JCH-2026 doirasidagi beshta o‘yinda uchta gol urishga muvaffaq bo‘lgan. Fransiya — Marokash o‘yini 9 iyul kuni bo‘lib o‘tadi.
