Argentina terma jamoasining tanqidchilari va Lionel Messining muxlisi bo‘lmaganlar «albiseleste»ning Jahon chempionatidagi yo‘li juda yengil kechayotganini ta’kidlashmoqda.
Jurnalist Aleksis Martin-Tamayo, ya’ni «Mister Chip» taxallusi bilan tanilgan mutaxassis vaziyatni FIFA reytingi orqali tahlil qilib chiqdi. U mundial boshlanishidan oldin Argentina raqiblari FIFA reytingida nechanchi o‘rinlarni egallaganini ko‘zdan kechirdi. Natijalar quyidagicha:
-
Jazoir (28-o‘rin)
-
Avstriya (24)
-
Iordaniya (63)
-
Kabo-Verde (67)
-
Misr (29)
-
Shveysariya (19)
Argentina raqiblarining o‘rtacha FIFA reytingi 38-o‘rin atrofida. Agar gap yarim finalgacha bo‘lgan yo‘l haqida ketsa, bu Jahon chempionati tarixidagi eng yuqori ko‘rsatkichdir (ya’ni eng oson yo‘l). To‘g‘ri, Argentina Kabo-Verde va Misr termalarini qiyinchilik bilan mag‘lub etdi, ammo baribir ularning yarim finalgacha bosib o‘tgan yo‘li tarixdagi eng osoni hisoblanadi.
Argentina va Shveysariya o‘rtasidagi Jahon chempionatining chorak final bahsi 12 iyul kuni bo‘lib o‘tadi.
