Аргентина терма жамоасининг танқидчилари ва Лионель Мессининг мухлиси бўлмаганлар «албиселесте»нинг Жаҳон чемпионатидаги йўли жуда енгил кечаётганини таъкидлашмоқда.
Журналист Алексис Мартин-Тамайо, яъни «Мистер Чип» тахаллуси билан танилган мутахассис вазиятни ФИФА рейтинги орқали таҳлил қилиб чиқди. У мундиал бошланишидан олдин Аргентина рақиблари ФИФА рейтингида нечанчи ўринларни эгаллаганини кўздан кечирди. Натижалар қуйидагича:
-
Жазоир (28-ўрин)
-
Австрия (24)
-
Иордания (63)
-
Кабо-Верде (67)
-
Миср (29)
-
Швейцария (19)
Аргентина рақибларининг ўртача ФИФА рейтинги 38-ўрин атрофида. Агар гап ярим финалгача бўлган йўл ҳақида кетса, бу Жаҳон чемпионати тарихидаги энг юқори кўрсаткичдир (яъни энг осон йўл). Тўғри, Аргентина Кабо-Верде ва Миср термаларини қийинчилик билан мағлуб этди, аммо барибир уларнинг ярим финалгача босиб ўтган йўли тарихдаги энг осони ҳисобланади.
Аргентина ва Швейцария ўртасидаги Жаҳон чемпионатининг чорак финал баҳси 12 июль куни бўлиб ўтади.
