«Manchester Yunayted» va Portugaliya milliy terma jamoasi sobiq futbolchisi Luish Nani Jahon chempionati – 2026 dan chiqib ketganidan so‘ng vatandoshi Krishtianu Ronalduga dalda beruvchi so‘zlarni yo‘lladi.
«Sening futboldagi merosing o‘zi haqida gapirib turibdi. Krishtianu, sen bilan ko‘plab lahzalarni birga boshdan kechirish men uchun katta sharaf bo‘ldi. Bu futbolka uchun qanchalik borlig‘ingni bag‘ishlaganingni bilaman. Senga va barcha yigitlarga kuch-quvvat tilayman. Bu jamoa hurmatga loyiq», — deyiladi Nanining ijtimoiy tarmoqlardagi xabarida.
Portugaliya mundialni 1/8 final bosqichida tark etdi. Ronaldu va uning jamoadoshlari ispanlarga 0:1 hisobida kichik farq bilan imkoniyatni boy berishdi. Krishtianu ushbu nufuzli turnirda 5 ta o‘yin o‘tkazib, 3 ta gol urishga muvaffaq bo‘ldi.
