«Манчестер Юнайтед» ва Португалия миллий терма жамоаси собиқ футболчиси Луиш Нани Жаҳон чемпионати – 2026 дан чиқиб кетганидан сўнг ватандоши Криштиану Роналдуга далда берувчи сўзларни йўллади.

«Сенинг футболдаги меросинг ўзи ҳақида гапириб турибди. Криштиану, сен билан кўплаб лаҳзаларни бирга бошдан кечириш мен учун катта шараф бўлди. Бу футболка учун қанчалик борлиғингни бағишлаганингни биламан. Сенга ва барча йигитларга куч-қувват тилайман. Бу жамоа ҳурматга лойиқ», — дейилади Нанининг ижтимоий тармоқлардаги хабарида.

Португалия мундиални 1/8 финал босқичида тарк этди. Роналду ва унинг жамоадошлари испанларга 0:1 ҳисобида кичик фарқ билан имкониятни бой беришди. Криштиану ушбу нуфузли турнирда 5 та ўйин ўтказиб, 3 та гол уришга муваффақ бўлди.