«Atletiko» «Sporting»dan 27 yoshli yarim himoyachi Morten Yulmandni sotib olish bo‘yicha kelishuvga erishdi.

Daniyalik futbolchi bugun Madridga yo‘l oladi.

Ispaniya klubi portugaliyaliklar safida sardorlik bog‘ichida o‘ynagan xavbekning transferi uchun 40 million yevro va bonuslar to‘laydi. Avvalroq bonuslar bilan birga summa 45 million yevroga yetishi mumkinligi xabar qilingandi.

Yulmand «Atletiko» bilan 2031 yilning iyuniga qadar mo‘ljallangan shartnoma imzolaydi.

O‘tgan mavsumda futbolchi Portugaliya chempionatida 27 ta o‘yinda maydonga tushib, 3 ta gol urdi va 4 ta golli uzatmani amalga oshirdi.