«Атлетико» «Спортинг»дан 27 ёшли ярим ҳимоячи Мортен Юлмандни сотиб олиш бўйича келишувга эришди.

Даниялик футболчи бугун Мадридга йўл олади.

Испания клуби португалияликлар сафида сардорлик боғичида ўйнаган хавбекнинг трансфери учун 40 миллион евро ва бонуслар тўлайди. Аввалроқ бонуслар билан бирга сумма 45 миллион еврога етиши мумкинлиги хабар қилинганди.

Юлманд «Атлетико» билан 2031 йилнинг июнига қадар мўлжалланган шартнома имзолайди.

Ўтган мавсумда футболчи Португалия чемпионатида 27 та ўйинда майдонга тушиб, 3 та гол урди ва 4 та голли узатмани амалга оширди.