Braziliya terma jamoasining sobiq futbolchisi Felipe Melo argentinalik hujumchi Lionel Messining o‘yini haqida o‘z fikrlari bilan o‘rtoqlashdi.
«Messi — men hayotimda ko‘rgan barcha davrlarning eng buyuk futbolchisi. Men Ronaldu, Neymar, Ronaldinyo, Zidanni ko‘rganman, ammo ularning hech biri Leodan yaxshiroq emasdi. U penaltidan gol urolmadi, ammo sinmadi. Bu braziliyaliklar uchun o‘rnak bo‘lsin», — dedi Melo ijtimoiy tarmoqlarda e’lon qilingan videoda.
JCH-2026 da Messi beshta uchrashuvning barchasida gol urishga muvaffaq bo‘ldi. 39 yoshli hujumchi hisobida hozirda sakkizta gol bor, bu uni turnir to‘purarlari ro‘yxatida peshqadam qilib turibdi.
Chorak finalda Argentina terma jamoasi Shveysariya bilan to‘qnash keladi. Uchrashuv 12 iyul kuni bo‘lib o‘tadi.
