Бразилия терма жамоасининг собиқ футболчиси Фелипе Мело аргентиналик ҳужумчи Лионель Мессининг ўйини ҳақида ўз фикрлари билан ўртоқлашди.
«Месси — мен ҳаётимда кўрган барча даврларнинг энг буюк футболчиси. Мен Роналду, Неймар, Роналдиньо, Зиданни кўрганман, аммо уларнинг ҳеч бири Леодан яхшироқ эмасди. У пенальтидан гол уролмади, аммо синмади. Бу бразилияликлар учун ўрнак бўлсин», — деди Мело ижтимоий тармоқларда эълон қилинган видеода.
ЖЧ-2026 да Месси бешта учрашувнинг барчасида гол уришга муваффақ бўлди. 39 ёшли ҳужумчи ҳисобида ҳозирда саккизта гол бор, бу уни турнир тўпурарлари рўйхатида пешқадам қилиб турибди.
Чорак финалда Аргентина терма жамоаси Швейцария билан тўқнаш келади. Учрашув 12 июль куни бўлиб ўтади.
