«Arsenal» yarim himoyachisi Mikel Merino London klubidagi kelajagi borasida o‘z fikrlarini bildirdi.
«Men «Arsenal»da juda baxtliman va klubni tark etish niyatim yo‘q. "Arsenal" menga o‘zimni xuddi katta oilaning bir a’zosidek his qilish imkonini bermoqda», — deya Merinoning so‘zlarini keltiradi COPE nashri.
Mikel Merino 2024 yilda «Real Sosyedad»dan 32 million yevro evaziga «Arsenal»ga o‘tgan edi. Uning «kanonirlar» bilan shartnomasi 2028 yilning 30 iyuniga qadar mo‘ljallangan.
2025/2026 yilgi mavsumda yarim himoyachi London klubi safida barcha musobaqalarda 34 ta o‘yinda maydonga tushib, 6 ta gol urdi va 3 ta golli uzatmani amalga oshirdi. Transfermarkt portali Merinoning transfer qiymatini 25 million yevroga baholamoqda.
