«Арсенал» ярим ҳимоячиси Микель Мерино Лондон клубидаги келажаги борасида ўз фикрларини билдирди.
«Мен «Арсенал»да жуда бахтлиман ва клубни тарк этиш ниятим йўқ. "Арсенал" менга ўзимни худди катта оиланинг бир аъзосидек ҳис қилиш имконини бермоқда», — дея Меринонинг сўзларини келтиради COPE нашри.
Микель Мерино 2024 йилда «Реал Сосьедад»дан 32 миллион евро эвазига «Арсенал»га ўтган эди. Унинг «канонирлар» билан шартномаси 2028 йилнинг 30 июнига қадар мўлжалланган.
2025/2026 йилги мавсумда ярим ҳимоячи Лондон клуби сафида барча мусобақаларда 34 та ўйинда майдонга тушиб, 6 та гол урди ва 3 та голли узатмани амалга оширди. Transfermarkt портали Меринонинг трансфер қийматини 25 миллион еврога баҳоламоқда.
