«Vulverxempton» hujumkor yarim himoyachisi Mateus Mane «Manchester Yunayted»ga o‘tishi mumkin.

Taniqli jurnalist Ekrem Konurning ta’kidlashicha, «qizil iblislar» 18 yoshli Mane transferi bo‘yicha dastlabki taklifni tayyorlamoqdalar. Shuningdek, portugaliyalik futbolchini «Liverpul» ham kuzatib bormoqda.

«Vulverxempton» o‘zining eng istiqbolli o‘yinchilaridan birini sotmoqchi emas va Maneni taxminan 41 million yevroga baholamoqda.

Yakunlangan mavsumda Mane barcha turnirlarni hisobga olgan holda 45 ta o‘yinda ishtirok etib, 8 ta gol urdi va 6 ta golli uzatmani o‘z hisobiga yozdirib qo‘ydi.

Yarim himoyachining «bo‘rilar» bilan amaldagi shartnomasi 2029 yilning o‘rtalariga qadar mo‘ljallangan.