«Вулверхэмптон» ҳужумкор ярим ҳимоячиси Матеус Мане «Манчестер Юнайтед»га ўтиши мумкин.

Таниқли журналист Экрем Конурнинг таъкидлашича, «қизил иблислар» 18 ёшли Мане трансфери бўйича дастлабки таклифни тайёрламоқдалар. Шунингдек, португалиялик футболчини «Ливерпуль» ҳам кузатиб бормоқда.

«Вулверхэмптон» ўзининг энг истиқболли ўйинчиларидан бирини сотмоқчи эмас ва Манени тахминан 41 миллион еврога баҳоламоқда.

Якунланган мавсумда Мане барча турнирларни ҳисобга олган ҳолда 45 та ўйинда иштирок этиб, 8 та гол урди ва 6 та голли узатмани ўз ҳисобига ёздириб қўйди.

Ярим ҳимоячининг «бўрилар» билан амалдаги шартномаси 2029 йилнинг ўрталарига қадар мўлжалланган.