Markaziy yarim himoyachi Shon Shter «Ayaks»dan «Nyukasl»ga ko‘chib o‘tdi. Bu haqda «qarg‘alar» matbuot xizmati xabar berdi.

Ta’kidlanishicha, 18 yoshli niderlandiyalik futbolchi «Nyukasl» bilan besh yillik mehnat shartnomasini imzolagan. Yarim himoyachi yangi jamoasida 14-raqam ostida to‘p suradi. Transfer summasi oshkor qilinmagan, ammo avvalroq Shterning xaridi «qarg‘alar»ga 24 million yevroga tushishi haqida xabar berilgandi.

«Bu yerda ekanimdan juda xursandman. Bu Premyer-liganing katta klubi. Men har doim dunyoning eng yaxshi ligasida o‘ynashni orzu qilganman, shu bois bu men uchun juda hayajonli lahza», — deya Shterning so‘zlarini keltiradi klub matbuot xizmati.

Shter — «Ayaks» tarbiyalanuvchisi. U asosiy jamoa safida jami 26 ta o‘yinda maydonga tushib, bitta gol va bitta golli uzatmaga mualliflik qilgan.