Angliya terma jamoasi hujumchisi Xarri Keyn milliy jamoa safida maydonga tushgan maydon futbolchilari (darvozabonlardan tashqari) o‘rtasida Ueyn Runining rekordini takrorladi.

JCH-2026 chorak final uchrashuvi forvard uchun inglizlar tarkibidagi 120-o‘yin bo‘ldi. Endi Keyn Ueyn Runi bilan birgalikda Angliya terma jamoasi safida eng ko‘p o‘yin o‘tkazgan futbolchilar ro‘yxatida ikkinchi o‘rinni bo‘lishib turibdi. Mutlaq rekord sobiq darvozabon Piter Shiltonga tegishli (125 ta o‘yin).

Shu bilan birga, Angliya terma jamoasining amaldagi darvozaboni Jordan Pikford jahon chempionatlarida o‘tkazilgan o‘yinlar soni bo‘yicha milliy rekordni o‘rnatdi. Norvegiyaga qarshi bahs uning uchun jahon chempionatlaridagi 18-o‘yin bo‘ldi. Avvalgi rekord Piter Shiltonga (17 ta) tegishli edi.