Англия терма жамоаси ҳужумчиси Харри Кейн миллий жамоа сафида майдонга тушган майдон футболчилари (дарвозабонлардан ташқари) ўртасида Уэйн Рунининг рекордини такрорлади.
ЖЧ-2026 чорак финал учрашуви форвард учун инглизлар таркибидаги 120-ўйин бўлди. Энди Кейн Уэйн Руни билан биргаликда Англия терма жамоаси сафида энг кўп ўйин ўтказган футболчилар рўйхатида иккинчи ўринни бўлишиб турибди. Мутлақ рекорд собиқ дарвозабон Питер Шилтонга тегишли (125 та ўйин).
Шу билан бирга, Англия терма жамоасининг амалдаги дарвозабони Жордан Пикфорд жаҳон чемпионатларида ўтказилган ўйинлар сони бўйича миллий рекордни ўрнатди. Норвегияга қарши баҳс унинг учун жаҳон чемпионатларидаги 18-ўйин бўлди. Аввалги рекорд Питер Шилтонга (17 та) тегишли эди.
